Turi, Trentin fitues i etapës së 14-të
13/07/2013 00:00
Dikur sulmues i Interit, Meggioni rrëfehet: Goli më i bukur? Shpëtova një vajzë nga i fejuari i dhunshëm… 07/11 13:57
Matteo Trentin ka fituar etapën e 14-të të Turit të Francës, nga lokaliteti Saint Pourcain sur Sioule deri në Lyon, një distancë prej 191 kilometrash.
Italiani Trentin i ka paraprirë në sprint zviceranit Michael Albasini dhe amerikanit Andrew Talansky. Ndërkohë, britaniku Chris Froome ka ruajtur fanelën e verdhë.
Ishte nga viti 2010 që një italian nuk fitonte në Turin e Francës. I fundit ishte Alessandro Petacchi, fitues i etapës së katërt në aksin Cambrai-Reims.
Trentin, i cili ka marrë “arratinë” që nga fillimi i kësaj etape, është treguar shumë i zoti që të mos harxhonte energji në ndjekjen e francezit Simon, duke i dhënë jetë sprintit në momentin e duhur.
Edhe italiani tjetër Damiano Cunego dhe Johnny Hoogerland janë përpjekur të rekuperojnë çiklistët që kishin marrë “arratinë”, por kanë mbetur në mes të rrugës dhe janë arritur nga garuesit e tjerë.
Gjithësesi, në krye të klasifikimit të përgjithshëm të çiklistëve qëndron britaniku Chris Froome, me avantazhin 10 kilometra nga mbërritja.
Top Channel
