Turi, Martin fiton kronometrin individual
10/07/2013 17:55
Chris Froome është padroni i Turit të Francës 2013. Në kronometrin individual të etapës së 11, fitues doli ai që pritej, Tony Martin, kampioni i botës në këtë disiplinë, por Chris Froome thelloi avantazhin ndaj Valverdes së vendit të dytë në klasifikimin e përgjithshëm.
Tony Martin i përshkoi 33 kilometrat në 36 minuta e 29 sekonda, ndërsa Froome e kaloi finishin me një kohë vetëm 12 sekonda më të ngadaltë duke ruajtur fanelën e verdhë të kryesuesit.
Rivalët e Froome për fitoren finale të Turit (Contador, Valverde, Quintana apo Kreuziger) kanë humbur minuta të vlefshme pasi asnjëri prej tyre nuk është specialist në kronometër.
Top Channel