Stefano Domenicali mendon se Ferrari ka ende kohë për të reaguar pas fitores së katërt të Sebastian Vettel gjatë këtij sezoni. Shefi i “Kokëkuqes” thekson se kampionati është ende i gjatë dhe skuderia e tij mund ta përfundojë atë me sukses.
“Duhet të përmirësohemi pa pushim. Gjërat në Formulën 1 ndryshojnë shumë shpejt, ashtu siç është parë në dy garat e fundit”, deklaroi Domenicali.
“Në fillim të sezonit ishim kompetitivë, por të tjerët janë përmirësuar shumë ndërsa ne kemi mbetur në vend. Duhet të zhvillojmë makinën sërish dhe duhet që zgjidhjet që gjejmë në teori, t’i vëmë në praktikë”, shtoi Domenicali, i cili përsëriti besimin e tij tek Felipe Massa.
“Është një moment shumë i vështirë për të. Në garat e fundit ka pësuar shumë aksidente dhe është i trishtuar. Kam besim të plotë tek ai dhe e gjithë skuadra duhet ta mbështesë në mënyrë që të luftojmë për kampionatin e konstruktorëve.”
Top Channel
