Sebastian Vettel theu “mallkimin” e shtëpisë, duke regjistruar për herë të parë një sukses në garën e Nyrburgringut, Gjermani.
I nisur nga vendi i dytë, Vettel arriti të parakalonte Hamilton në start, por dëmtimi i një makine në mesin e garës bëri që të hynte makina e sigurisë në pistë dhe të shkurtoheshin distancat që kampioni i trefishtë i botës kishte krijuar.
Si rrjedhojë, në 20 xhirot e fundit të garës mori jetë një dyluftim spektakolar, me Vettel, të ndjekur nga afër prej Raikkonen, Grosjean e Alonso.
Megjithatë, Red Bulli i Vettel arriti të priste finishin një sekondë përpara finlandezit, ndërsa Alonso u shkëput drejt fundit, duke mbetur i katërti.
Pasi fitoi “pole-position”, e mbylli në vendin e pestë Hamilton, i cili parakaloi drejt fundit Button, me McLaren që vazhdoi të tregojë se pavarësisht përmirësimeve, nuk mund të konkurrojë ende për vende të rëndësishme në klasifikim.
Me notë pozitive përfundon në këtë garë edhe furnizuesja e gomave, Pirelli, që pas problemeve të shumta të një jave më parë në Britaninë e Madhe, ku pesë makinave i shpërthyen gomat gjatë garës, përjetoi një garë të qetë, pa probleme për skuadrat dhe pilotët, që kishin kërcënuar me bojkotimin masiv të garës, nëse ato probleme do të përsëriteshin.
Renditja e Çmimit të Madh të Nyrburgringut, Gjermani (zona e pikëve)
1. Vettel Red Bull 1h41s14”711
2. Raikkonen Lotus +1s008”
3. Grosjean Lotus +5s830”
4. Alonso Ferrari +7s721”
5. Hamilton Mercedes +26s927”
6. Button McLaren +27s996”
7. ëebber Red Bull +37s562”
8. Perez McLaren +38s306”
9. Rosberg Mercedes +46s821”
10. Hulkenberg Sauber +49s892”
Renditja e përgjithshme e pilotëve
1. Vettel 157
2. Alonso 123
3. Raikkonen 118
4. Hamilton 97
5. ëebber 93
6. Rosberg 84
7. Massa 57
8. Grosjean 41
9. Di Resta 36
10. Button 33
…………….
Renditja e skuadrave pas nëntë garave të para të sezonit
1. Red Bull 250
2. Mercedes 181
3. Ferrari 180
4. Lotus Renault 159
5. Force India 59
6. McLaren 49
7. Toro Rosso 24
8. Sauber Ferrari 7
Top Channel