Numri një në botë në tenisin mashkullor, serbi Novak Djokoviç, arriti të fitonte në tre sete ndaj çekut Thomas Berdych 7-6, 6-4, 6-3, duke siguruar një vend në gjysmëfinalet e Grand Sleam të Uimbëlldonit, i vetmi nga katër titujt e mëdhenj që zhvillohet në bar.
Për Djokovic, favorit kryesor për titullin pas eliminimit surprirzë në dy raundet e para të Federer e Nadal, vështirësi pati vetëm në setin e parë, ndërsa rezistenca e Berdych nisi të zbehej me kalimin e seteve.
Për serbin, do të jetë argjentinasi Del Potro rivali i ardhshëm, pasi numri tetë në botë mundi spanjollin Ferrer, finalist në “Roland Garros”, duke fituar për herë të parë të drejtën e pjesëmarrjes në një gjysmëfinale në Uimbëlldon.
Andy Murray, i konsideruar në letër si rivali i vetëm i vështirë për Djokoviç, shmangu një eliminim zhgënjyes në një ndeshje dramatike ndaj Verdascos, të fituar në pesë sete në përmbysje, 4-6, 3-6, 6-1, 6-4, 7-5.
Rivali i “të zotit të shtëpisë” në katërshe do të jetë surpriza e vërtertë e këtij turneu, 22-vjeçari Jerzy Janoëicz. Numri 59 në botë mposhti në tre sete gjatë së mërkurës bashkëkombasin e tij Lukasz Kubot.
Top Channel
