Orica-GreenEdge fitoi kronometrin ekipor të zhvilluar në Nisë (25 kilometra) dhe veshi me fanellën e verdhë çiklistin e saj Simon Gerrans, fituesi i etapës së djeshme të Turit të Francës.
Në këtë mënyrë, Gerrans bëhet australiani i gjashtë që vesh fanellën e verdhë, të cilën për herë të parë e mbajti Phil Anderson në vitin 1981.
Orica regjistroi kohën 25 minuta e 57 sekonda, 1 sekondë më e shpejtë se Omega-Quick Step. RadioShack i Jan Bakelants doli në vend të 11, 27 sekonda më ngadalë se vendi i parë.
Dueli mes favoritëve për fitoren e Turit, Chris Froome dhe Alberto Contador, përfundoi thuajse në barazim. Sky u klasifikua i treti, ndërsa Saxo-Tinkoff i katërti.
Ditën e mërkurë do të zhvillohet etapa e pestë e Turit të Francës, nga Kanje Syr Mer në Marsejë, e gjatë 228.5 km, ku avantazhin më të madh me sa duket do ta kenë emrat e sipërpërmendur, duke qenë se klasifikohet si një etapë e e përshtatshme për kronometristët.
Top Channel
