Lewandowski refuzon Anglinë, Gundogan qëndron

Të paktën kështu raportoi gjatë të hënës e përditshmja britanike “The Sun”.

Sipas gazetës, sulmuesi polak i ka bërë të qartë të dy këtyre klubeve, pas kontaktimit prej tyre, se i ka dhënë fjalën Bajernit dhe se dëshiron të mbetet në Gjermani, ndaj nuk është i gatshëm të dëgjojë oferta.

Megjithatë, situata e tij nuk është e lehtë, me Borusian që e kërcënon ta mbajë edhe një vit, deri në fund të kontratës, edhe pse do ta humbte me parametra zero, nëse nuk do të dëshirojë të transferohet atje ku do ta caktojë klubi.

Në një konflikt të hapur me Dortmundin, e ardhmja e Lewandowskit është më e paqartë se kurrë, ndërsa më parë gjatë qershorit, 24-vjeçari refuzoi edhe një trefishim të pagës në 4,5 milionë euro për sezonin e fundit, thjesht si një shpërblim pa e kushtëzuar rritjen me rinovimin.

Ndërkohë, një tjetër prej yjeve të Borusias, Ilkay Gundogan, në vëmendjen e Arsenalit dhe disa klubeve të tjera europiane, ka konfirmuar se do të qëndrojë edhe një vit në “Signal Iduna Park”, duke shtyrë mundësinë e transferimit për periudhën pas Botërorit.

Top Channel