PS: Detin ta përfshijmë në ekonomi
10/06/2013 00:00
“Shqipëria Bëhet” letër KQZ: Dorëheqja nga kandidimi është akt përfundimtar dhe i pakthyeshëm 17/07 16:04
Të ulur këmbëkryq buzë dedit, jashtë çdo formaliteti, ku nuk munguan batutat, një grup studentësh bashkëbiseduan me kryesocialistin Rama për çështje që prekin të ardhmen e tyre dhe të Vlorës.
“Një nga gjërat që dua ta bëj realitet është që të stimuloj idetë e të rinjve. Do të vendosim një fond të posaçëm për mbështetjen e projekteve të të rinjve. Idetë vlejnë më shumë se paratë dhe këtë gjë të rinjtë duhet ta fiksojnë mirë.
Ne duhet dhe do ta përfshijmë detin në ekonomi e do ta integrojmë Shqipërinë në rrugën detare të Mesdheut. Kemi një projekt për detin, do zhvillojmë biznesin dhe do ndërtojmë një rrugë tokësore që e kemi quajtur “Autostrada e Kaltër” sepse do të ndjekë të gjithë vijën bregdetare për të mos shkëputur më lëvizjen përgjatë bregut”, theksoi Rama.
Një nga studentët pyeti për projektin e qeverisë për uljen e kostos së borxhit. Rama u përgjigj: “E para ne duhet të përcaktojmë kufirin e borxhit. E dyta, ne duhet të fillojmë planin e punës për ristrukturimin e borxhit dhe e treta duhet të fillojmë ndërtimin e një modeli të ri ekonomik.”
Edi Rama i cili kryeson listën e qarkut vlorë bëri këtë premtim për rrugën nga hyrja e qytetit deri në skelë.
“Kjo rrugë duhet të ishte një perlë e Mesdheut. Nga hyrja e Vlorës, tek Sheshi i Flamurit, tek Bulevardi, në Skelë e deri në Ujë të Ftohtë do të bëhet një nga rrugët më të bukura të Mesdheut”, theksoi Rama.
Top Channel
