F1, Alonso: Vendi i dytë, si fitore
10/06/2013 00:00
Barça, opsioni i parë për portugezin e City-t, por kujdes PSG-në 20/04 07:30
Fernando Alonso u shpreh shumë i kënaqur me vendin e dytë në Cmimin e Madh të Kanadasë pas nisjes së garës në vendin e gjashtë.
Spanjolli i Ferrarit bëri këtë analizë: “Të shtunën nuk bëmë një kualifikuese të mirë, por ritmi i makinës në pistë të thatë ishte i lartë dhe kishim shpresa. Luftuam kundër Vettel dhe Hamilton dhe të luftosh me pilotë të tillë nuk është kurrë e lehtë. Edhe pse mund të jesh më i shpejtë, ata janë shumë të talentuar.”
Edhe pse bëri një rekuperim të madh, Alonso përfundoi pas Vettel, gjermanit të Red Bull i cili kryeson renditjen e përgjithshme dhe tashmë e ka thelluar avantazhin me vendin e dytë (pikërisht Alonson) në 36 pikë.
“Jam i lumtur me vendin e dytë. Është njësoj si fitore për mua duke marrë parasysh nisjen nga pas. Grumbulluam pikë shumë të vlefshme për kampionatin”, theksoi Alonso.
Top Channel
