“Roland Garros”, Nadal-Djokoviç në gjysmëfinale
05/06/2013 18:50
Tapë në timon, mbrojtësi i Juves shtang policinë. Gjatë kontrollit rezultoi se… 03/05 14:20
Rafael Nadal dhe Novak Djokoviç do të përballen në një “finale të parakoshme”, në gjysmëfinalet e “Roland Garros”, pasi secili fitoi të drejtën për të qenë në katërshen e më të mirëve duke mposhtur me lehtësi rivalin përkatës.
“Mbreti” i padiskutueshëm i fushave me dhe, Nadal tregoi se është pranë rikthimit në formën e tij më të mirë pas një dëmtimi, në një ndeshje “pa histori” ndaj zviceranit Wawrinka, i mundur në tre sete 6-2, 6-3, 6-1.
Nga ana e tij, Djokoviç siguroi vendin në gjysmëfinale në tre sete, por me më shumë vështirësi ndaj gjermanit Haas, të mundur 6-3, 7-6, 7-5.
Fituesi në sfidën që vendos përballë numrin një dhe tre në botë, do të ndeshet në finale me fituesin e gjysmëfinales tjetër, Ferrer-Tsonga.
Ndërkohë, tek femrat, Azarenka dhe Sharapova do të përballen midis tyre në gjysmëfinale, pasi mundën rivalet Kirilenko e Jankoviç, përkatësisht, në çerekfinalet e zhvilluara të mërkurën.
Top Channel
