Mou: Cristiano mendon se di gjithçka

05/06/2013 10:15

Jose Mourinho është shprehur në një intervistë për mediat spanjolle se “Cristiano Ronaldo mendon se i di të gjitha dhe se trajneri nuk mund t’i mësojë më asgjë”.

“Problemi im me të është i thjeshtë: e kam kritikuar nga pikëpamja taktike dhe ai nuk e priti mirë. Gjithsesi, me mua ka bërë tre sezone fantastike duke shënuar një mal me gola”, deklaroi ish-tekniku i Realit për një emision sportiv spanjoll.

Ja disa çështje të tjera që u prekën nga “Special One”:

Pepe – Ishte duke u larguar nga Reali dhe unë e kam mbajtur. Luftova për të. Më pas, në vend të tij nisi të luante një djalosh 13 vjet më i vogël se ai (Varane) sepse e meritonte.

Lojtarët – Largimi im ishte gjëja më e mirë për futbollistët e Realit, por nuk pendohem për asgjë.

Trajneri i ardhshëm i Realit – Shpresoj që Ancelotti ose dikush tjetër të ketë mbështetjen e të gjithëve. Gjithashtu shpresoj që trajneri që do të vijë tek Reali të ketë ndershmërinë të pranojë se sa mirë e ka gjetur skuadrën.

 

Top Channel