PS: Berisha dështoi me turizmin

Besnik Bare tha se Berisha premtoi nje zhvillim te qendrueshem por ka deshtuar me turizmin per shkak te ndotjes. Deputeti Bare premtoi pastrimin vendit brenda mandatit të parë.

“Për Partinë Socialiste mbrojtja e mjedisit do të thotë zhvillim i qëndrueshëm, si vlerë në zhvillimin ekonomik, atë të shëndetsis, të turizmit, të edukimit dhe të peisazhit. Objektivi ynë është krijimi i Inspektoratit Kombëtar të Pastrimit, që do të mundësojë një Shqipëri pa plehra, brenda mandatit të parë qeverisës.Pas 23 qershorit ne do të fillojmë një aksion të pandalshëm për të pastruar nga mbetjet territorin e Shqipërisë”, tha Bare.

Blushi e Balla, fushatë në Librazhd

Deputetët socialistë Ben Blushi dhe Taulant Balla nisën fushatën zgjedhore në qytetet e Përrenjasit dhe Librazhdit.

Ben Blushi tha se Partia Socialiste ka një listë të balancuar dhe që përfaqëson më së miri çdo qytetar të këtij rrethi. Sipas tij  në 23 qershor vota është për Shqipërinë evropiane, për t’i rikthyer qytetarët në punë dhe për të përmirësuar jetesën e tyre.

Ndërsa deputeti Balla, u ndal në problematikat që ka ky qytet. Taulant Balla u premtoi qytetarëve të Përrenjasit se Partia Socialiste në mandatin e saj të parë do të hapë 500 vende te reja pune në këtë qytet, duke e kthyer Prrenjasin në një qendër prodhimi.

Milo: Borxhi i Qeverisë, shumë i madh

Gjatë takimit elektoral ne prezantimin e kandidatit për deputet në qytetin e Peshkopisë, kryetari i Partisë Demokracia Sociale Paskal Milo theksoi domosdoshmërinë e largimit të Sali Berishës. Gjithashtu Milo u shpreh se pas fitores së 23 qershorit e majta nuk do ta ketë të lehtë qeverisjen sepse borxhi qe ka lene Qeveria Berisha eshte shume e madhe dhe se duhet te rindertojme cdo gje qe ka shkatërruar kjo qeverisje ne te gjitha fushat e jetes sone.

FRD denoncon dhënien e lejes për të dënuarit

Fryma e Re Demokratike denoncoi nisjen e dhënies së lejeve për të burgosurit me qëllim që ata të përfshihen në fushatën zgjedhore.

Urim Qinami Drejtues i Departamentit të Çështjeve të Sigurisë në FRD-së deklaroi se dy të dënuar për vepra penale me rrezikshmëri të lartë shoqërore kanë thyer kriteret ligjore për respektimin e afatit të lejeve shpërblyese. 

Fryma e Re Demokratike theksoi Qinami denoncon publikisht praktikat e fundit të lejeve që po ju jepen të dënuarve dhe nuk e konsideron të rastësishëm shkeljen e këtyre lejeve nga ana e këtyre të fundit.

Top Channel