F1, Alonso fiton “garën e shtëpisë”
12/05/2013 16:00
E drejtoi Argjentinën në fitimin e Botërorit të parë, ndahet nga jeta në moshën 85-vjeçare 05/05 21:39
Fernando Alonso arriti fitoren e dytë të sezonit dhe ngushtoi ndjeshëm diferencën me kryesuesin Vettel, duke fituar garën e shtëpisë në Barcelonë pas një dominimi të qartë.
Spanjolli, i nisur i pesti, rikuperoi dy vende në nisje dhe u vendos shpejt në kryesim, pasi me ritmin e vendosur rezultoi i papërmbajtshëm për Vettel dhe Rosberg.
Një garë të shkëlqyer bëri edhe finlandezi Raikkonen, që duke zgjedhur edhe një herë më shumë taktikën e një ndalese më pak, renditet i dyti dhe kandidohet qartësisht për titullin kampion në këtë sezon.
Në “hije” gara e dy makinave Red Bull, me Vettel dhe Webber të mbetur pas Massës, në vendin e katërt dhe të pestë.
Një zhgënjim më vete, Barcelona mund të konsiderohet për dy pilotët Mercedes, që ndonëse të nisur në dy vendet e para, bien shumë pas, me Rosbergun që arriti të ishte vetëm i gjashti dhe Hamilton jashtë zonës së pikëve.
Rezultatet tepër të dobëta vazhdojnë edhe për McLaren, sërisht në nivelet e mesit të tabelës të shfaqur që prej fillimit të këtij sezoni, me Button e Perez që fitojnë së bashku vetëm pesë pikë.
Formula 1 rikthehet pas dy javesh, si gjithmone ne ekranin e “Top-Channel” me Çmimin e Madh te Monakosë.
Renditja e Çmimit të Madh të Barcelonës
1 F. Alonso Ferrari
2 K. Räikkönen Lotus + 9,3 sekonda
3 F. Massa Ferrari + 26,0
4 S. Vettel Red Bull + 38,2
5 M. Webber Red Bull + 47,9
6 N. Rosberg Mercedes GP + 68,0
7 P. di Resta Force India + 68,9
8 J. Button McLaren + 79,5
9 S. Perez McLaren + 81,7
10 D. Ricciardo Toro Rosso + 1 xhiro
11 E. Gutierrez Sauber + 1 xhiro
12 L. Hamilton Mercedes GP + 1 xhiro
13 A. Sutil Force India + 1 xhiro
14 P. Maldonado Williams + 1 xhiro
15 N. Hülkenberg Sauber + 1 xhiro
16 V. Bottas Williams + 1 xhiro
17 C. Pic Caterham + 1 xhiro
18 J. Bianchi Marussia + 2 xhiro
19 M. Chilton Marussia + 2 xhiro
R. Grosjean Lotus i terhequr
Der Garde Caterham i terhequr
J. Vergne Toro Rosso i terhequr
Renditja e pilotëve pas pesë garave të para të sezonit
1. S. Vettel 89 pikë
2. K. Räikkönen 85
3. F. Alonso 72
4. L. Hamilton 50
5. F. Massa 45
6. Webber 42
7. P. Di Resta 26
7. R. Grosjean 26
9. N. Rosberg 22
10. J. Button 17
11. S. Perez 12
12. D. Ricciardo 7
13. A. Sutil 6
14. N. Hülkenberg 5
15. J. Vergne 1
Renditja e konstruktorëve pas pesë garave të para të sezonit
1. Red Bull 131
2. Ferrari 117
3. Lotus 111
4. Mercedes 72
5. Force India 32
6. McLaren 29
7. Toro Rosso 8
8. Sauber 5
Top Channel
