Katolikët nxehen me David Bowie
10/05/2013 20:10
Kristi Lamaj dhe Lei Kraja bëhen bashkë në projektin “UrbanGen” 01/04 14:23
David Bowie është sulmuar ashpër nga një grup katolik amerikan për shkak të videoklipit të tij të fundit. Këngëtari veteran ka zgjedhur për këngën The Next Day murgesha gjysmë-nudo dhe pamje të përgjakshme.
Ky videoklip u censurua fillimisht edhe nga Youtube. Në këtë video shfaqen edhe aktorët hollivudianë Gary Oldman dhe Marion Cotillard, të cilët interpretojnë respektivisht një prift që i pëlqen të pijë dhe një prostitutë që shndërrohet në shenjtore.
Presidenti i Ligës Katolike Amerikane, Bill Donohue, është shprehur: “Zotëria biseksual nga Londra (David Bowie) është rishfaqur duke luajtur rolin e Jezusit i cili shkon në klube nate, aty ku gjen priftërinjtë dhe kardinalët që kënaqen në shoqërinë e femrave nudo. Kjo video tregon qartë që ky njeri është i shkatërruar. Ai nuk di çfarë beson, por mund të ketë ende shpresë për të.”
Top Channel
