Messi: Përmbysje historike
29/04/2013 19:10
Serie A/ Bologna shtang Napolin, e mposht në Maradona Stadium dhe gara për zonën Champions ndizet më shumë se kurrë 11/05 22:48
“Përmbysje”. Kjo është fjala që Lionel Messi shkruan në një rrjet shoqëror kinez, ku ai ndiqet prej miliona fansash.
Një ekuivalent i “Twitter”-it i adresuar publikut kinez, rrjeti shoqëror “Tencent Weibo” i dha zë mendimeve të Messit, i cili në të shkuante se besonte tek një “përmbysje historike”.
Një të tillë, Barcelona ka arritur ta bëjë në këtë sezon, kur fitoi 4-0 përballë Milanit, skuadër që në fushën e saj kishte fituar 2-0.
Megjithatë, është e qartë që për t’ia dalë mbanë, fituesi i katër Topave të Artë duhet të shkëlqejë me të gjithë forcën e tij.
Në karrierën e tij, Messi ka realizuar 12 gola ndaj skuadrave gjermane. Mbrëmja më e lumtur ishte ajo brenda së cilës shënoi pesë herë në portën e Leverkusenit.
Ai gjithashtu realizoi dy herë në një fitore 4-0 ndaj Bajernit në vitin 2009, por nuk ka dyshime se ky Bajern, nuk është më në rolin e sfidantit, por është shndërruar në skuadrën për t’u mundur në Europë.
Top Channel
