Pavarësisht se kanë siguruar titullin kampion dhe kanë një avantazh shumë të madh nga vendi i dytë, sërish Bajerni i Mynihut ka fituar edhe pse nuk kishte formacionin bazë në fushën e lojës.
Veç Mandzukic dhe Boateng, askush nuk luante nga formacioni i parë. Ka mjaftuar një gol i shqiptarit Xherdan Shaqiri skuadrës së Jup Henjkes për të mundur 1-0 Frajburgun.
Kjo ishte fitorja e tyre e 14-të radhazi dhe për më tepër me pikët e sotme u arrit dhe rekordi i 84 pikëve, kur janë për t’u luajtur edhe tre javë Bundesligë.
Nuk ka toleruar në këtë javë të 31-të as Borusia e Dortmundit, e cila mundi 1-2 Fortunën e Dyseldorfit. Edhe ata kanë luajtur me rezervat duke ruajtur formacionin bazë për ndeshjen me Realin ditën e martë.
Shahin në pjesën e parë dhe Blazhikovski në të dytën shënuan golat e fitores, ndërkohë që Bodzek shënoi golin e vetëm për skuadrën e tij.
Top Channel
