Ibra shoqërohet me ish-bashkëshorten e Van der Vaart

Sipas të përditëshmes holandeze, “De Telegraf”, suedezi dhe bukuroshja shoqërohen prej kohësh bashkë. Gazeta thotë se Ibra dhe Mais takohen në një shtëpi “sekrete” në Paris.

Mes tyre, shkruan “De Telegraf”, simpatia ka lindur që nga koha e Ajaksit, para se Sylvia Mais të martohej me Van der Vaart. Dy futbollistët nuk janë nga ata që kanë patur marrëdhënie të mira me njëri-tjetrin në atë periudhë, por shkaku nuk u mësua kurrë.

                    Rafael Van der Vaart dhe ish-bashkëshortja e tij, Sylvia Meis

Sylvia u nda nga futbollisti holandez që luan për Hamburgun, pak muaj më parë dhe vetë Van der Vaart deklaroi pak ditë më parë për një revistë gjermane se kishte nisur një lidhje me Sabian, mikeshën e ish-bashkëshortes së tij.

Ibrahimovic,nga ana tjetër mbetet i lidhur me Helena Seger, bukuroshen suedeze me të cilën ka dy fëmijë.

                         Zlatan Ibrahimovic dhe e dashura e tij, Helen Seger

Për momentin gjithcka mbetet në kuadrin e një informacioni mediatik që mbetet për t’u vërtetuar…por që gjithsesi duhet të shqetësojë bashkëshorten e Ibrës, që gjithmonë ka dashur të mbajë një profil të ulët sa i përket shfaqjes në publik.

Top Channel