Rihanna ka thënë se nuk e kupton dashurinë. Këngëtarja nga Barbados, e cila ka një lidhje të ngatërruar me Chris Brown, iu drejtua fansave gjatë koncertit të saj në Los Angeles duke i “qarë hallet”.
25-vjeçarja i tha publikut: “Sa prej jush janë të dashuruar? Sa prej jush e urrejnë dashurinë? Sa prej jush nuk e kuptojnë dashurinë? Unë jam tek ky grupi i fundit.”
Ky rrëfim, sipas revistës ‘People’, u bë para prezantimit të këngës së saj më të re me titull “What Now”.
Aktualisht Rihanna është e zënë me turin e saj botëror, ndërsa Chris Brown me promovimin e albumit të tij më të ri dhe çifti nuk takohet pothuajse fare dhe për këtë arsye kanë lindur spekullimet për një ndarje tjetër mes tyre.
Top Channel
