3 javë skualifikim për Mario Balotelli
09/04/2013 00:00
Inzaghi si kampion i Italisë: Ne e donim sot titullin dhe ia dolëm, 6 trofe ne 3 vite nuk janë pak! 23/04 07:35
Mario Balotelli është dënuar me 3 ndeshje skualifikim dhe Milani do të zbresë në fushë pa sulmuesin e tij kryesor në ndeshjet ndaj Napolit, Juventusit dhe Katanias.
Gjykatësi Sportiv Gianpaolo Tosel e ka argumentuar kështu pezullimin e futbollistit të kuqezinjve: “Sjellje kundër rregullave në fushë për të cilën ka marrë një karton të verdhë. Duke qenë kartoni i katërt i verdhë, pezullohet për ndeshjen e radhës (ndaj Napolit). Gjithashtu në fund të takimit ka ofenduar një nga ndihmësit e arbitrit.”
Sipas mediave italiane, Balotelli i ka thënë “Cfarë m… shikon” arbitrit të portës Doveri, pas një zënke të vogël me portierin e Fiorentinës, Viviano.
Milani, nëpërmjet një komunikate për shtyp, ka njoftuar se do të apelojë vendimin për të shkurtuar dënimin, por duket e vështirë që Balotelli të jetë në fushë ndaj Juventusit.
Top Channel
