Reali pranë gjysmëfinales, Dortmundi barazon
04/04/2013 02:15
Dhjetë lojtarë mjaftojnë, Roma merr tri pikët ndaj Genoa-s në “Olimpico” 19/05 22:54
Real Madrid ka mposhtur lehtësisht 3-0 Galatasaray-n, duke e bërë pothuajse të pamundur përmbysjen e rezultatit nga turqit, në Stamboll.
Vetëm 9 minuta zgjati qëndresa e skuadrës turke. Cristiano Ronaldo përfitoi mjaft mirë, nga një shthurrje e mbrojtjes kundërshtare, dhe kaloi Realin në avantazh.
Galatasaray nuk kishte fuqinë e duhur për të reaguar, edhe pse ka në përbërje lojtarë si Sneijder e Drogba, 2 lojtarë që e kanë fituar më parë këtë trofe.
Në minutën e 29-të, Benzema dyfishoi rezultatin. Reali shënoi një tjetër gol në pjesën e dytë, autor i të cilit ishte i sapofuturi Higuain.
Ndeshja e kthimit në Stamboll do të jetë një formalitet për madrilenët, të cilët janë shumë më superiorë se turqit.
Ndeshja tjetër mes Malaga-s dhe Dortmund-it përfundoi në barazim pa gola, një rezultat që lë të hapur kualifikimin për në turin tjetër, që do të vendoset në “Signal Iduna Park” të Dortmundit.
Top Channel
