Komisioni Europian ka nisur një hetim ndaj Realit të Madridit, për marrjen e ndihmave të paligjshme nga ana e shtetit spanjoll, raportoi të mërkurën e përditshmja “The Indipendent”.
Sipas gazetës, ekziston një akuzë, në bazë të së cilës Bashkia e Madridit i akordoi klubit disa terrene sportive, në kuadrin e promovimit të sportit në qytet.
Megjithatë, këto terrene janë planifikuar për zhvillim tregëtar, e në to është planifikuar të ndërtohet një qendër e re tregtare, disa ndërtesa komerciale dhe një kompleks hotelier, nga të cilat Reali do të kishte si pronar i tokës, përfitime marramendëse.
Sipas “The Indipendent”, Komisioni Europian ka nisur hetimet duke u bazuar në nenin 87 të Komunitetit Europian, që e konsideron një ndihmë të tillë, nëse verifikohet si e vërtetë, si të paligjshme.
Një prej terreneve në fjalë, që kishte një vlerë prej 420 mijë eurosh kur iu dorëzuan pa pagesë Realit në vitin 1998, sot ka tejkaluar vlerën e 22,7 milionë eurove, një rritje prej 5 400%.
Top Channel
