Barcelona mori një rezultat të favorshëm në Paris ndaj PSG (2-2), por pagoi një çmim të lartë për këtë. Leo Messi dhe Javier Mascherano pësuan dëmtime dhe do të mungojnë në ndeshjen e kthimit.
Sipas mediave sportive katalanase, ylli argjentinas do të qëndrojë 3 javë jashtë fushave për një dëmtim në pjesën e pasme të kofshës së këmbës së djathtë. Ndërsa bashkëkombasi i tij ka pësuar një dëmtim në ligamentin e gjurit dhe do të qëndrojë jashtë për 6 javë.
Messi nuk hyri në fushë në pjesën e dytë duke i lënë vendin mesfushorit Cesc Fabregas.
Gjithsesi, edhe ndaj Benfikës u mendua se Messi mund të qëndronte jashtë fushave për disa javë pasi doli nga terreni i lojës me barrelë, por luajti pa problem tre ditë më pas në kampionat duke thyer edhe rekordin e golave të Gerd Muller në një vit kalendarik.
Top Channel