F1, Kimi: Tërhiqem në fund të sezonit

02/04/2013 00:30

Njoftimi erdhi si “rrufe në qiell të hapur”. Kimi Raikkonen tërhiqet nga Formula 1.

Ka qenë vet piloti i Lotus, ai që e ka shkruar në profilin e tij në Twitter: “Tërhiqem në fund të sezonit. Shpresoj ta bëj, pasi të kem fituar titullin e dytë botëror në karrierën time”.

Pak fjalë për të anonçuar lamtumirën nga bota e makinave. Megjithatë, të shumtë kanë qenë ata, që kanë menduar për një gënjeshtër të 1 prillit, gjë që e konfirmoi edhe vet ai më pas: “Ishte vetëm një shaka”.

Me pak fjalë, edhe në këtë rast “njeriu i akullt” ka konfirmuar se është një person që di të argëtojë, edhe pse nuk ta jep përshtypjen. Shaka apo jo, është po aq e vërtetë se Raikkonen do të mbushë 34 vjeç në tetor, duke hyrë kështu në fazën finale të karrierës së tij.

Herët apo vonë njoftimi për tërheqjen e tij, këtë herë zyrtar, do të vijë. Sigurisht, pas asaj që bëri me këtë rast, nuk do të jetë dhe aq e lehtë për ta besuar menjëherë.