Bayern Munchen dhe Juventus vijnë euforikë në përballjen mes tyre në çerekfinalet e Ligës së Kampioneve. Skuadra gjermane fitoi me rezultatin e pabesueshëm 9-2 kundër Hamburgut, ndërsa italianët mundën 2-1 në transfertë rivalët e Interit.
Gjithsesi, duket se më shumë euforikë janë bavarezët, të cilët kërkojnë që të njëjtën lojë të përsërisin ndaj bardhezinjve.
Trajneri i tyre, Jupp Heynckes, deklaroi: “Kundër Hamburgut dhamë leksione futbolli. Të njëjtën gjë duhet të bëjmë edhe ndaj Juventusit, por e di që është e pamundur sepse është një ndeshje krejt tjetër. Ata janë një nga skuadrat më të mëdha në Europë dhe janë të fortë fizikisht.”
Ndërkohë, trajneri i Juventusit po mendon që në vend të një sulmuesi të aktivizojë mesfushorin e ri francez Paul Pogba, në mënyrë që t’i shtojë centimetra dhe fuqi fizike ekipit.
Bardhezinjtë kanë mbërritur të dielën në Mynih. Pritet që ndeshja e arbitruar nga anglezi Clattenburg të zhvillohet nën reshjet e dëborës.
Top Channel
