Kompromisi i mundshëm Kosovë-Serbi
30/03/2013 19:00
Kryeministri grek fton arvanitasit në kryeministri, ia marrin këngës shqip, reagime të shumta në rrjet 04/01 18:22
Serbia dhe Kosova mund të arrijnë kompromis në rast se pranojnë të dyja palët pak nga pikat për të cilat kanë qenë kundër.
Branko Ruzhiç, shef i grupit parlamentar të Partisë Socialiste të Serbisë të kryeministrit Daçiç, ka thënë se Serbia ka nevojë më shumë për kompromis se sa Kosova, por duhet bërë gati edhe për mundësinë e dështimit, ndonëse sipas tij, kompromisi është mjaft afër.
Ndërsa Aleksandar Vuçiç, zëvendëskryeministër dhe një nga personat e përmendur për t’u bërë garantues i marrëveshjes, ka thënë se qeveria e Serbisë është detyruar të marrë vendime të dhimbshme, të vështira dhe të rrezikshme, por nuk ka mundur të durojë më gjendjen e konflikteve të ngrira.
“Do të bëjmë kompromis pasi është e rëndësishme për të ardhmen e Serbisë”, ka thënë Vuçiç, duke shtuar se Serbia dëshiron zgjidhje të problemeve.
Delegacioni i Serbisë ende nuk dihet për datën 2 prill, por është e qartë se nëse do të vijë deri te nënshkrimi, Kosova dhe Serbia do t’i japin fund betejës së fundit.
Top Channel
