Shtrati më antik në botë
09/03/2013 00:00
Italia rekord me Njëqindvjeçarët, mbi 2,000 Italianë festojnë 100 vjetorin në 2025 07/11 19:11
Duhet të jetë një objekt për muze, por ja që përdoret çdo natë prej 400
vjetësh. Është shtrati më antik në botë që ende përdoret në Mbretërinë e
Bashkuar e që ndodhet në një nga dhomat e shumta të kështjellës
Berkeley, në jug-perëndim të Anglisë.
Në shtratin në fjalë kanë fjetur 15 breza fisnikësh që i përkasin familjes Berkeley, të cilët kanë pasur mundësi të shijojnë komoditetin e tij, ndërkohë që eksperiencën do ta vazhdojnë pasardhësit e tyre.
Siç kanë shpjeguar pronarët aktualë të shtratit, John Berkeley dhe bashkëshortja e tij Georgina, ai vazhdon të jetë shtrati më i mirë i të gjithë rezidencës së tyre.
Objekti është ndërtuar me dru në vitet e para të 1600-ës, ka mbulesën tipike në pjesën e sipërme dhe mban stemën mbretërore të familjes Stuart.
Gazeta “Daily Telegraph” i ka kushtuar një editorial të vogël këtij lajmi, duke shkruar se, dyqanet sot mund të ofrojnë mobilje me çmime marramendëse, por cilësia e ofruar nga artizanët e dikurshëm është e paarritshme.
Top Channel
