Milton Keynes u shndërrua në qytetin e parë në Britaninë e Madhe, i cili ndalon me ligj konsumimin e çamçakëzit.
Në bazë të këtij ligji vendor, të imponuar nga bashkia e qytetit, kushdo që do të kapet duke u mbllaçitur do të gjobitet.
Vendimi u mor pasi çamçakëzat e hedhur në rrugë u shndërruan në një shqetësim madhor për qytetarët.
Në shëtitoren kryesore të qytetit, të ndodhur pranë Uimbëlldonit, në Bakingemshajër, në rrugën e shtruar me pllaka me dimensione 30×30 cm secila, gjenden mesatarisht 22 çamçakëzë të ngjitur për pllakë.
Ndërkohë, shumë njerëz janë ankuar për faktin se çamçakëzat i ngjiten pas këpucëve apo rrobave të tyre.
Mbështetësit e heqjes së çamçakëzeve nga qarkullimi argumentuan ndalimin me shqetësimin që i krijon qytetarëve dhe koston që duhet të përballojnë kompanitë e pastrimit të qytetit, për të pastruar në mënyrë të vazhdueshme pllakat.
Pasi ngjiten, çamçakëzët mund të hiqen vetëm me ujë me presion nga sipërfaqa e shëtitores dhe rrugëve të tjera të Milton Keynes.
Me këtë ligj, Milton Keynes shndërrohet në vendin e dytë në botë ku është e ndaluar të konsumosh çamçakiz, pas qytetit shtet të Singaporit.
Top Channel
