Venezuelë, Chavez vuan nga një infeksion i ri
05/03/2013 03:40
VIDEO/ E rëndë! Shtatë foshnja të porsalindura humbën jetën nga zjarri që shpërtheu në një spital fëmijësh 26/05 23:00
Presidenti venezuelian, Hugo Chavez, po vuan nga një tjetër infeksion i rëndë në rrugët e frymëmarrjes, pas operacionit të fundit kundër kancerit, ka bërë të ditur qeveria.
Ministri i Informacionit, Ernesto Villegas, bëri të ditur se kushtet fizike të Chavez vazhdojnë të jenë tepër delikate.
Chavez, 58 vjeç, u rikthye në Venezuelë muajin e kaluar, pas trajtimeve kundër kancerit në Kubë, por nuk është shfaqur ende në publik, që prej atëherë.
Ndërkohë, është rritur ankthi mes popullit venezuelian, i cili kërkon më shumë detaje mbi shëndetin e presidentit të tyre.
Chavez, i cili mban rolin e presidentit që prej 14 vitesh, besohet të ketë kancer në zonën e legenit, por sëmundja e saktë nuk është bërë kurrë publike.
Ai bëri të ditur në qershor të 2011-s se ishte me kancer dhe i është nënshtruar 4 operacioneve, që prej atëherë, ndërkohë që ka kryer edhe disa seanca kimioterapie dhe rrezatimi.
Presidenti u rizgjodh për një tjetër mandat 6-vjeçar në tetor të 2012-s, por Gjykata Supreme njoftoi se betimi i tij, që duhej të ishte mbajtur më 10 janar, mund të shtyhej për shkak të sëmundjes së tij.
Top Channel
