“Ku do të luajnë Gomez dhe Robben?”

“Është më interesante të dimë se ku do të luajnë sezonin e ardhshëm Mario Gomez dhe Arjen Robben sepse nuk mendoj se do i pëlqente një tjetër sezon në stolin e rezervave. Më duket çështje më interesante se sa të flasim gjithmonë për Lewandowskin”, deklaroi tekniku i verdhezinjve.

Dihet interesi i Bayern Munchen dhe Manchester United për sulmuesin polak të Borussia Dortmund dhe në mediat sportive gjermane flitet për një parakontratë mes tij dhe klubit bavarez. Klopp u mundua të hiqte vëmendjen duke iu referuar dy nga lojtarëve kryesorë të Bayern, të cilët nuk kanë gjetur hapësira në skuadër këtë sezon pasi janë kthyer nga dëmtimet respektive.

Të mërkurën, drejtori sportiv i Borussia Dortmund, njoftoi se Lewandowski nuk do të rinovojë kontratën me klubin që i përfundon në vitin 2014.

Top Channel