Në një komunikatë të publikuar nga skuderia Ferrari, Fernando Alonso shpjegoi punën që zhvilloi me makinën e re F138 gjatë testimeve në Barcelonë.
“U përqendruam në krahasimin e gomave Pirelli, duke filluar me të butat e duke vazhduar me ato të fortat. Pista ishte e ftohtë dhe makina e pati të vështirë të përshtatej. Kemi provuar gjithashtu konfigurime të ndryshme aerodinamike”, lexohet në komunikatë.
Alonso shton: “Pas çdo ndryshimi që bënim, makina reagonte ashtu siç prisja. Kemi kuptuar se ku duhet të punojmë javën e ardhshme, javë në të cilën do të shohim realisht rendimentin tonë.”
Në fund, piloti spanjoll dha mendimin e tij edhe për gomat Pirelli që konsumohen shumë shpejt: “Edhe këtë vit gomat do të jenë protagoniste kryesore. Janë më të shpejta dhe më të buta se vitin e kaluar, por njëkohësisht konsumohen shumë më shpejt. Kemi shumë punë për të bërë në mënyrë që të kuptojmë ekuilibrin e duhur të makinës.”
Top Channel
