Mourinho, 10 milionë për t’u larguar

Madje është zbuluar edhe shifra, që Florentino Perez do t’i japë trajnerit për të zgjidhur kontratën, e cila skadon në 2016-n: plot 10 milionë euro.

Presidenti duket i lodhur nga “Mou”, mbi të gjitha kur kujton atë mungesë në ceremoninë e “Topit të Artë”. Portugezi kishte thënë se duhej të punonte për Realin, por në të vërtetë shkoi për të parë të birin teksa luante. Një zhvlerësim imazhi, të cilin Perez nuk e ka kapërdirë.

I njëjtë duket edhe fati i Cristiano Ronaldo-s, i cili nuk i është përgjigjur më propozimit për rinovimin e kontratës. Perez është i lodhur nga kjo situatë dhe mund ta lërë të largohet: PSG-ja është në “pole position” për të dy portugezët.

Por, projekti i Realit të Madridit nuk ndalet këtu. Me paratë e siguruara nga shitja e “CR7”, plus një investim të vogël shtesë, Perez kërkon të blejë Bale, Neymar, Isco dhe Silva.

Top Channel