Sport

F1, Nico Rosberg i lë pas të gjithë

19/02/2013 19:05

Sebastian Vettel kishte regjistruar kohën më të mirë të paradites, por gjatë pasdites rivalët ulën ndjeshëm kohët e tyre duke e lënë në vendin e katërt në përfundim të ditës së parë të testimeve në Montmelo të Spanjës.

Nico Rosberg me Mercedes xhiroi në 1:22:616, nëntë të dhjetat më mirë se koha më e mirë e testimeve të vitit të kaluar në këtë pistë. Në vend të dytë e përfundoi ditën Kimi Raikkonen me Lotusin e tij, ndërsa në vend të tretë Fernando Alonso me Ferrari.

Spanjolli i Kokëkuqes realizoi plot 110 xhiro në Montmelo duke treguar se kërkon të mësojë sa më shumë për makinën e re pas mungesës në testimet e Jerez.

Këto janë të gjitha kohët e regjistruara nga pilotët e zbritur në pistë ditën e parë të testimeve në pistën katalanase:

1. N. Rosberg (Mercedes) 1:22.616
2. K. Raikkonen (Lotus) 1:22.623
3. F. Alonso (Ferrari) 1:22.952
4. S. Vettel (Red Bull) 1:22.965
5. P. Maldonado (Williams) 1:23.733
6. D. Ricciardo (Toro Rosso) 1:23.884
7. S. Pérez (McLaren) 1:24.124
8. P. Di Resta (Force India) 1:24.144
9. E. Gutiérrez (Sauber) 1:25.124
10. M. Chilton (Marussia) 1:26.747
11. C. Pic (Caterham) 1:27.534