“Nëse humb duelet individuale, atëherë organizimi dhe taktika nuk vlejnë”, tha Jose Mourinho duke iu referuar golit të Manchester United, ku Welbeck fitoi dyluftimin me Sergio Ramos duke i dhënë avantazhin e përkohshëm 0-1 skuadrës angleze.
“Në televizion shihet qartë se çfarë ndodhi. U stërvitëm, u organizuam, i caktuam detyrat, pamë videot e kundërshtarit, por nëse humb duelet individuale, nuk ka organizim që reziston”, shpjegoi “Special One” pas barazimit 1-1 në “Santiago Bernabeu”.
Në lidhje me kualifikimin, tekniku portugez nuk e ka humbur besimin: “Mendoj se klasifikimi është ende 50 me 50. Do të nisemi në disavantazh në Old Trafford, nëse ata shënojnë, do të vazhdojmë të jemi në disasvantazh; nëse shënojmë ne, do të jemi në avantazh.”
Kur u pyet nëse rezultati 1-1 i ndeshjes së parë ishte i drejtë, Mourinho u shpreh: “Nuk ka rezultat të drejtë në futboll, ka vetëm rezultat real. Meritonim të shënonim më shumë se një gol, por edhe kundërshtari pati raste të tjera. Nuk është rezultat i keq.”
Top Channel
