Sir Alex Ferguson është shprehur i kënaqur me rezultatin 1-1 që Manchester United arriti ndaj Real Madrid në “Santiago Bernabeu” dhe shtoi se “gjithçka mbetet e hapur në ndeshjen e kthimit në “Old Trafford”.
“Duke marrë parasysh se Bernabeu është një stadium shumë i vështirë, jemi të kënaqur me rezultatin 1-1. Nuk jam i kënaqur me pjesën e parë sepse lejuam shumë në mbrojtje dhe portieri na shpëtoi. Në pjesën e dytë u përmirësuam, patëm raste për shënim dhe mund të kishim marrë një rezultat edhe më të mirë, por edhe kështu jemi të kënaqur”, u shpreh trajneri skocez.
Në lidhje me lojën mbrojtëse të skuadrës së tij, Ferguson tha: “Hymë në fushë për të fituar. Në formacion kisha katër sulmues, por ndeshjet në transfertë janë të vështira.”
Në fund, trajneri veteran theksoi se në ndeshjen e kthimit “skuadra që do të shënojë e para do të ketë më shumë mundësi kualifikimi”.
Top Channel
