“Nëse nuk e fitoj këtë sezon, nuk është aspak dështim. Shumë klube të mëdha dhe trajnerë të mëdhenj nuk e kanë fituar kurrë, por unë dua ta fitoj për herë të tretë Ligën e Kampioneve.”
Kështu u shpreh Jose Mourinho në konferencën për shtyp para ndeshjes së sotme që Real Madridi i tij do të luajë ndaj Manchester United në Santiago Bernabeu.
Marrëdhënia me lojtarët – Gazetarët nuk e dinë nëse marrëdhënia ime me lojtarët është në krizë. Dua të flas me ata që shkruajnë të tilla gjëra, të cilët janë gazetarë spanjollë. Në fushë do e shikoni “krizën” e lojtarëve të mi.
Rëndësia e ndeshjes – Është një ndeshje kyçe. Mund të shihet nga interesi i tifozëve dhe gazetarëve që është ndeshje e rëndësishme.
Si do të luajë Reali – Nuk do i them kundërshtarëve se si do të luajmë, por e kam shumë të qartë në kokën time. Unë nuk e di se kush do të jetë në fushë tek Manchester dhe nuk do hap letrat e mia.
Cristiano – Është lojtari më fantastik që kam pasur ndonjëherë edhe pse nuk harroj lojtarët e tjerë që kanë dhënë gjithçka në fushë për mua.
Top Channel
