LeBron James udhëton me shpejtësi drejt majave të paarritura më parë në basketbollin botëror, ndërsa gjithmonë e më shumë po etiketohet si lojtari më i mirë i historisë nga shtypi amerikan.
Ylli i Majemit, u shndërrua në të parin basketbollist ndonjëherë që shënon mbi 30 pikë në pesë ndeshje radhazi, duke mbajtur në të pesta ndeshjet një saktësi më të lartë se 60%, në gjuajtjet gjatë lojës (përjashtohen gjuajtjet e lira).
“Viktima” e fundit e 28-vjeçarit ishte një emër i madh i NBA-së, Los Angelos Lakers, takim në të cilin James realizoi 32 pikë dhe pati një saktësi prej 71,4% në gjuajtje.
Njeriu që ka fituar tre herë titullin e basketbollistit më të mirë të vitit në NBA (Most Valuable Player-MVP) dhe fitues i medaljes olimpike, gjithashtu ka një mesatare të pabesueshme të shënimit të pikëve në këtë sezon, me 30,1 pikë për ndeshje.
“Të thuash që është më i miri në botë tashmë nuk mjafton më”, deklaroi shoku i tij i skuadrës, Dëayne Wade. “LeBron tashmë i përket një kategorie tjetër, asaj të jashtëtokësorëve. Është një fenomen i vërtetë”.
Top Channel
