Ndalet Juventus në Torino
27/01/2013 00:00
I rrezikshëm në krahun e tij, ja kush u shpall “Lojtari i Ndeshjes” në takimin Itali-Shqipëri 15/06 23:25
Ka gabuar Juventusi në këtë javë të kampionatit italian, pasi nuk ka shkuar më shumë se një barazim 1-1 me Xhenoan. Pas një pjese të parë 0-0, Kualiarela zhbllokon gjithçka në minuën e 54 duke dhënë përshtypjen e një fitoreje të lehtë.
Megjithatë nuk dorëzohet Xhenoa dhe ai që ndëshkon është një ish-bardhezi si Marko Borrielo, i sapofutur në lojë. Ishta minuta e 68 kur ish-sulmuesi i Juventusit barazpeshon gjithçka.
Minutat e mbetura Xhenoa i kalon me 10 lojtarë, por përpjekjet e shumta të bardhezinjve rezultuan shterpë. Protesta të shumta erdhën për një prekje me dorë brenda zonës, por për gjyqtarin ishte e pavullnetshme dhe asgjë nuk ndryshon.
Juventusi me këtë barazim arrin të rikuperojë minimalisht ndaj humbjes së Lazios, duke e çuar në 6 pikë diferencën. Kievo ka bërë surprizën në këtë javë të 22-të të Serisë A ku ka mundur brenda në Olimpiko Lacion me rezultatin 1-0.
Skuadra e drejtuar nga Korini ka zhvilluar një ndeshje në mbrojtje, ndërkohë që në minutën e 61 zhbllokon ndeshjen duke shënuar golin e vetëm të takimit. As Hernanez dhe as Kozak që u aktivizuan më vonë, nuk arritën të shpëtonin nga humbja Lazion.
Top Channel
