Çmimet Oscar, Hollywood në pritje të kandidaturave

Filmat priten të kenë listën më të mirë, ku përfshihen “Zero Dark Thirty” i Kathryn Bigelow dhe “Lincoln”, drama presidenciale e Steven Spielberg. Drama “Argo” e Ben Affleck dhe “Django Unchained” i Quentin Tarantino, priten të jenë gjithashtu në garë.

Seth MacFarlane dhe Emma Stone do të bëjnë të ditura nominimet ditën e enjte. Shpallja do të bëhet në Los Angeles në orën 14:30 (05:30 lokale) në teatrin “Samuel Goldwyn” në Beverly Hills.

Muzikali i Top Hooper “Les Miserables”, “Silver Linings Playbook” i David O Russell dhe “Life of Pi” i Ang Lee, mund të paraqiten mes kandidaturave për filmin më të mirë.

Në kategorinë e aktrimit, Daniel Day Lewis është nga pretendentët kryesorë, për shkak të rolit të tij në portretizimin e presidentit të 16-të të SHBA-ve, Lincoln, ndërsa Jessica Chastain pritet të vlerësohet për rolin e saj si agjente e CIA-s, në gjuetinë për Osama bin Laden në “Zero Dark Thirty”.

Hugh Jackman (Les Miserables), Joaquin Phoenix (The Master), Denzel Washington (Flight) dhe John Hawkes (The Sessions) priten të jenë mes kandidaturave për aktorin më të mirë.

Kandidaturat e mundshme për aktoren më të mirë përfshijnë Jennifer Lawrence (Silver Linings Playbook), Marion Cotillard (Rust and Bone), Emmanuelle Riva (Amour) dhe Naomi Watts (The Impossible).

Shpresat e britanikëve janë edhe te Dame Helen Mirren, e cila mund të nominohet për aktoren më të mirë, për rolin e saj në portretizimin e gruas së Alfred Hitchcock, Alma Reville, në “Hitchcock”.

Filmi “Skyfall” i Bond-it mund të kandidojë për filmin më të mirë, për herë të parë nën ekskluzivitetin 007, ndërsa Dame Judi Dench mund të kandidohet për kthimin e saj në “M”, në ecurinë e gjatë të filmave franshizë.

Dame Judi mund të vlerësohet gjithashtu për rolin e saj të një vejushe aventureske në komedinë britanike “The Best Exotic Marigold Hotel”.

Ceremonia Oscar, që do të mbahet më 24 shkurt, do t’i thurë lavde 50-vjetorit të filmave Bond.

Top Channel