Tabloidi britanik ‘The Sun’ ka publikuar se David Beckham ka marrë një ofertë marramendëse për të luajtur dy sezone në kampionatin e futbollit të Katarit.
Një burim u shpreh: “Kur bëhet fjalë për para’, Katari nuk ka rivalë. Shumë personalitete në Katar mendojnë se Beckham është personazhi i duhur për të zgjuar interesin për futbollin e këtij vendi.”
Po i njëjti burim anonim shton: “Efekti i David Beckham është parë në futbollin e SHBA-së dhe e njëjta gjë do të jetë edhe për Katarin.”
David Beckham po kërkon aktualisht një skuadër në Angli. West Ham United dhe Queens Park Rangers janë interesuar për 37-vjeçarin.
Ndërsa nga ana tjetër, Katari e sheh mesfushorin veteran si një ambasador ideal për Botërorin që do të zhvillohet në vitin 2022 në këtë vend.
Top Channel
