Tiranë, treni përplas makinën
07/01/2013 18:30
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një aksident hekurudhor ka ndodhur pasditen e së hënës në Tiranë, ku një tren ka goditur një automjet që po tentonte të kalonte në një kalim.
Sipas informacioneve të fundit, automjeti është goditur nga një tren i linjës Tiranë-Durrës dhe për rrjedhojë ka gjetur vdekjen drejtuesja e tij.
Sipas burimeve policore zyrtare, viktima është shtetasja Kristiana Ndosha, 20 vjeçe, e cila ka ndërruar jetë disa momente pas aksidentit në spital.
Ndërsa vëllai i 20-vjeçares, shtetasi Ford Ndosha, ka mbetur i plagosur nga përplasja dhe aktualisht ndodhet në spital, jashtë rrezikut për jetën.
Rrethanat e aksidentit janë ende të paqarta dhe ende nuk dihet nëse përgjegjësia ka qenë e drejtueses së automjetit, apo e trenistit.
Dyshohet se 20-vjeçarja ka tentuar të kalojë kalimin por ka mbetur e bllokuar dhe në momentin e afrimit të trenit nuk ka arritur të vërë në lëvizje automjetin e saj.
Një tjetër faktor që mund të ketë kontribuar në aksidentin në fjalë është edhe gjendja e mjeruar e hekurudhave shqiptare si dhe mungesa e sinjalistikës.
Top Channel
