Kavajë, zënkë në lokal, një i vdekur
24/12/2012 21:20
Debate në KLP, Tiranës dhe Elbasanit i mungojnë 51 prokurorë
18/07 21:17
Një 44-vjeçar humbi jetën dhe tre të tjerë u plagosën, pas një zënke të ndodhur mbrëmjen e së hënës në një lokal në Kavajë.
Sipas të dhënave të para, të rinjtë goditën njëri-tjetrin me armë të ftohta për motive ende të paqarta.
Si rrjedhojë, 44-vjeçari Artur Kollçaku mbeti i vdekur në vendngjarje, ndërsa djali i xhaxhait, Elvis Kollçaku, është shoqëruar në spitalin rajonal në gjendje të rëndë për jetën.
Dy personat e tjerë të përfshirë në këtë zënkë, ndonëse morën edhe ata goditje me thikë, raportohen në gjendje stabël në spital.
Me përjashtim të viktimës, personat e tjerë të përfshirë ishin të moshës 25-30 vjeç.
Për fat të keq, ngjarjet e kronikës së zezë kanë mbushur lajmet këtë të hënë, me një shtetas shqiptar që mbeti i vrarë dhe një tjetër që u plagos në një atentat në Itali.
Gjatë pasdites, për shkak të humbjes së kontrollit të një kamioni në rrugën e kombit, tre persona mbetën të vdekur dhe tre të tjerë u shoqëruan në spital në gjendje të rëndë.
Gjithashtu gjatë ditës, një i ri u vetvra, pasi në gjendje të dehur qëlloi mbi vëllanë, të cilin e plagosi.
Top Channel
