Tiranë, Basha ndez dritat e Krishtlindjeve
13/12/2012 17:40
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Kryetari i Bashkisë së Tiranës, Lulzim Basha, ndezi dritat e pemës së Krishtlindjes, duke i uruar çdo familje kryeqytetase dhe shqiptare ditë sa më të lumtura festash.
Ceremonia e ndezjes së dritave, pasditen e së enjtes, u realizua në sheshin “Skëndërbej”, ku është vendosur edhe një pemë Krishtlindjesh 22 metra e lartë.
“Ndezja e pemës sjell gëzim në çdo familje. Për këtë arsye, jo vetëm kjo pemë, por e gjithë Tirana është stolisur për t’i zbukuruar sa më shumë këto ditë festash për çdo qytetar”, deklaroi Basha, përpara disa dhjetëra qytetarëve të pranishëm.
Ndezja e dritave në pemën e Krishtlindjeve, nga ana e kryebashkiakut Basha, koinçidoi me një moment në të cilin, një pjesë e mirë e Tiranës ka mbetur prej më shumë se 24 orësh pa energji elektrike.
Gjatë punimeve në Laprakë, një kompani e kontraktuar nga Bashkia këputi gabimisht një kabëll kryesor të shpërndarjes së energjisë në disa lagje të kryeqytetit dhe CEZ ka refuzuar që të kryejë riparimet, pa u kompensuar më parë për dëmin nga Bashkia.
Top Channel
