Pavarësisht golit në Torino dhe performancave të mira të kohëve të fundit, Robinho është gjithmonë e më larg Milanit.
Santos nxiton dhe, sipas disa burimeve të shtypit brazilian, kërkon të anonçojë blerjen e lojtarit që nga e shtuna e ardhshme. Klubi brazilian, për t’iu afruar sadopak kërkesave të Milanit (rreth 10 milionë euro), ka futur në tratativa mesfushorin e ri, Felipe Anderson, i cili pëlqehet shumë nga Braida.
Njoftimi ka ardhur nga portali “diariosp.com.br”. Edhe pse është e vështirë të imagjinohet arritja e marrëveshjes në mënyrë të menjëhershme, pikërisht 2 javë para nisjes zyrtare të merkatos, e vërteta është se Robinho e Santos priten të bashkohen, kjo edhe prej dëshirës së bërë të ditur nga vet sulmuesi.
Anderson, një lojtar i lindur në 1993, të cilin drejtori sportiv i Milanit e ka parë të luajë gjatë turneut të fundit amerikano-jugor, mund të ishte thjesht një monedhë këmbimi për të zbutur kërkesat e kuqezinjve.
Top Channel
