Emrat e fëmijëve të VIP-ave

Zgjedhja bëhet në mënyra të ndryshme. Dikush plotëson dëshirën e të afërmve, dikush zgjedh një emër shqiptar, një tjetër do një emër modern, universal.

Në gjendjet civile thonë se tendencë këtë vit janë emrat e shkurtër. Por cilët janë emrat më në modë të vitit 2012? Në gjendjen civile nr. 5, që është më e madhja në kryeqytet, 4 janë emrat më të përsëritur: “Noel dhe Enio për djemtë; Alesia dhe Amelia për vajzat.”

Por çfarë emrash u kanë vedosur personazhe të njohur shqiptarë fëmijëve të tyre? Pjesa më e madhe duket se ka zgjedhur emra biblikë. Kështu, këngëtarja Aurela Gaçe ka vendosur që vajzës së saj t’i vendosë emrin Grejs që do të thotë “hiri i Perendisë”.  Në Amerikë këngëtares i thërrisnin Aurela Grejs për shak se nuk e shqiptonin mirë mbiemrin, gjë që përcaktoi dhe emrin e vogëlushes së saj.

Soni Malaj e quajti vajzën Ana, që do të thotë “Zoti më favorizon mua” dhe që nderon kujtimin e gjyshes së bashkëshortit të saj, Mirko.
 
Vajza e mexosopranes Vikena Kamenica u quajt Krista sepse lindi për Krishtlindje.

Jonida Maliqi e quajti djalin Dan, që përveçse emër me prejardhje biblike ishte dhe një emër i lashtë ilir.  

Ledina Celo gjithashtu i ka vënë djalit një emër shqiptar, Erlis.
 
Ndërsa përsa i përket VIP-ave në botë, të gjithëve u bëri përshtypje vendimi i Beyonce dhe Jay-Z, të cilët duan ta regjistrojnë si pronë emrin e djalit të tyre, Blu Iv, që asnjë fëmijë tjetër në botë të mos quhet kështu.

Interesant është fakti se fëmijët e aktorëve Ben Aflek dhe Xhenifer Garner, donin ta pagëzonin vëllain e tyre të vogël me emrat e personazhve më të dashur për ta si Piter Pan, Donald Duck, apo kapiten Huk, por çifti vendosi ta quajë të voglin Samuel.

Nje emër kilometrik i ka vënë Uma Thurman vajzes së saj: Rosalind Arusha Arkadina Altalune Florence Luna.

Top Channel