Dëmtimi i Holger Badstuber ishte pa dyshim nota negative e barazimit 1-1 mes Bayern Munchen dhe Borussia Dortmund. Qendërmbrojtësi i bavarezëve theu ligamentet e gjurit në një përplasje loje në minutën e 35 të takimit.
Futbollisti gjerman la fushën me barrelë dhe vizitat e para treguan se dëmtimi ishte aq i rëndë sa u duk në fillim.
Badstuber do të operohet dhe do të qëndrojë jashtë fushave minimalisht gjashtë muaj sipas doktorit të Bayern Munchen, Hans-Wilhelm Müller-Wohlfahrt.
Holger Badstuber sapo ishte rikthyer të luante pas një dëmtimi muskular, por tashmë do të rikthehet në listën e të dëmtuarve të skuadrës së Heynckes, aty ku janë të shënuar edhe emrat e Arjen Robben, Luiz Gustavo, Emre Can dhe Lukas Raeder.
Top Channel
