Vendi

Shkodër, monumentet e patriotëve

02/12/2012 21:20

Pas denoncimit të gjendjes së mjerueshme në monumentin e pesë heronjve të Vigut, pjesë të të cilit po shiten për skrap, deputetet e Partisë Socialiste kanë vazhduar të denoncojnë gjendjen e mjerueshme, në të cilën ndodhen monumentet e patriotëve në Shkodër, që dhanë jetën për kombin.

Ky është monumenti kushtuar Cerciz Topullit, i vrarë në Shkodër. Siç shihet nga pamjet, këtu ka mbetur vetëm një shkëmb pa emër dhe pa datë. Gjithashtu edhe te busti i Pashko Vasës nuk ka as emër dhe as datë, teksa busti ka filluar të tjetërsohet nga dëmtimet.

Deputeti i PS-së, Astrit Beci, është shprehur se është e papranueshme kjo situatë dhe është një papërgjegjshmëri e qeverisjes.

Hedhja e mbeturinave të qytetit te varrezat e dëshmorëve të Shkodrës, nga njëra anë, dhe dëmtimi e lënia në mëshirë të fatit e busteve të patriotëve, në sheshet e qytetit, e bëjnë Shkodrën një nga qytetet e rralla ku, në vend që të nderohen, poshtërohen ata që dhanë jetën për kombin.

Top Channel