Inter mposht me vështirësi Palermo-n, ndjek Juve-n
02/12/2012 19:00
Serie A, Fiorentina, fitore me aromë mbijetese ndaj Cremoneses 16/03 23:42
Lazio ka arritur të marrë një rezultat pozitiv përballë Parmës, edhe pse me mungesa të shumta. Skuadra kryeqytetase arrin të fitojë lehtësisht përballjen me Parmën, duke u ngjitur në kuotën e 29 pikëve në klasifikim, 6 më pak se Juventus.
Në “Olimpico”, bardhekaltrit i falen golave të Biava-s dhe Klose-s, respektivisht në minutat e 25-të dhe të 34-t. Ndërkohë, në pjesën e dytë, Parma ngushton diferencën me Belfodil, i cili në dy kohë shndërron në gol një 11-metërsh, që në goditjen e parë u prit nga Bizarri.
Edhe Interi merr një fitore në “San Siro” përballë Palermos, një sukses i vështirë për skuadrën e Stramaccioni-t. Edhe pse jo në një ditë të mirë, zikaltrit kalojnë në avantazh në minutën e 74-t, pas një autogolit të Garsia-s. Me këtë fitore, ata çojnë në 4 pikë diferencën me kreun e klasifikimit.
Napoli, nga ana tjetër, i përgjigjet Juventus-it dhe fiton 5-1 me Pescara-n. Skuadra e Mazzarri-t e fillon me vrull ndeshjen, pasi kalon në avantazh në minutën e 9-të me Inler, ndërsa Hamsik dyfishon në minutën e 15-të. Pescara rrit disi nivelin e lojës dhe ngushton diferencën me Bjarnason, në minutën e 18-të, por Bocchetti provokon një 11-metërsh dhe del me kartonin e kuq.
Cavani çon shifrat në 3-1 nga pika e bardhë e penalltisë dhe më pas shënon golin e katërt, për t’i lënë radhën Inler-it që të vulosë shifrat në 5-1.
Top Channel
