Tabloidi britanik ‘The Sun’ ka publikuar të premten se Jose Mourinho do të rikthehet në Angli për të drejtuar skuadrën e Manchester City kur të përfundojë sezoni aktual.
Sipas tabloidit, sheiku Mansour (pronari i klubit anglez) dëshiron me çdo kusht trajnerin e Real Madrid për skuadrën e tij dhe drejtori sportiv i City, Txiki Begiristain, është takuar me Jorge Mendes (menaxherin e Mourinho) në Portugali.
Në këtë mënyrë, ‘Special One’ mund të zëvendësojë në pankinën e ekipit të dytë të Manchester, Roberto Mancinin, i cili në dy sezonet e fundit nuk ka arritur të kalojë as fazën e grupeve në Ligën e Kampioneve edhe pse ka një skuadër të mbushur me yje.
Gjithsesi, ‘The Sun’ shton se skuadra më favorite për të marrë shërbimet e Jose Mourinho është Paris Saint Germain.
Tekniku i suksesshëm gjithmonë ka shprehur dëshirën për tu rikthyer në kampionatin anglez, ku ka drejtuar më parë Chelsea.
Top Channel
