Romë, sulmohen tifozët anglezë
22/11/2012 19:20
Daku shënon në shtesë, i heq fitoren CSKA-së së Moskës 06/05 21:52
Një tifoz anglez i Tottenham është në gjendje të rëndë për jetën dhe disa të tjerë u plagosën, kur disa huliganë lacialë qëlluan me mjete të forta dhe thika një grup britanikësh, në një lokal të ndodhur në qendër të kryeqytetit italian.
Ngjarja ndodhi në orët e para të mëngjesit, kur tifozët lacialë, të maskuar me kaska motori hynë në lokal dhe nisën të rrihnin e të qëllonin anglezët.
Gjatë zënkës, një 25-vjeçar u godit me thikë në trup dhe vazhdon të jetë në reanimacion, pas humbjes së shumtë të gjakut në vendngjarje.
Si rrjedhojë e kësaj ngjarje, policia vendosi masa shtesë për ndeshjen e orës 19:00, ndërsa incidenti rrezikon të sjellë një përballje diplomatike midis Romës dhe Londrës zyrtare.
Aktualisht, policia italiane ka arrestuar disa të dyshuar për pjesëmarrjen në këtë agresion, por nuk ka të dhëna të qarta për numrin e tyre.
Top Channel
