Elefanti sulmon automjetin
16/11/2012 00:00
Një nga misteret më të mëdha në historinë e kinematografisë/ Si u helmuan 80 persona gjatë xhirimit të filmit Titanik 30/09 13:42
Një çift bashkëshortësh 40-vjeçarë britanikë u bënë protagonistët e një ngjarje sa të pakëndëshme aq edhe të rrezikshme në Afrikën e Jugut.
Chris Hare dhe Helen Jennings ndodheshin në muajin e mjaltit në Afrikën e Jugut dhe në itinerarin e vizitave të tyre ishte edhe bota e egër në parkun natyror të Krugerit. Teksa po udhëtonin me makinën e tyre, befas nga pemët në anë del i tërbuar një elefant.
Kafsha gjigante, ndoshta e trembur “arsyetoi” se britanikët ishin të paftuar dhe i vërsulet automjetit, ngul dhëmbët në pjesën e pasme të makinës dhe megjithë forcën përmbys automjetin.
Fatmirësisht goditja ishte në pjesën e pasme të automjetit dhe jo përpara ku ndodheshin dy turistët britanikë, që i kanë shpëtuar paq sulmit të elefantit.
“Elefanti sulmoi makinën në pjesën e pasme të saj, nguli dhëmbët, e ngriti lart dhe pasi e ktheu përmbys u largua qetësisht”, thotë një dëshmitar nga vendngjarja, autor i këtyre fotove.
Top Channel
